Семей қаласының әкімі Нұрбол Нұрсағатов Желтоқсан оқиғасының қатысушыларымен кездесті.
Іс-шараға «Абай облысы Желтоқсан 86» қоғамдық бірлестігінің өкілдері мен ардагерлері қатысты. Өз сөзінде қала әкімі Желтоқсан оқиғасының ел тәуелсіздігін қалыптастырудағы маңыздылығын атап өтіп, батылдық танытқан жандарға алғысын білдірді.
«Біздің ата-бабаларымыз ғасырлар бойы армандаған тәуелсіз елде өмір сүріп, оған қызмет ету – қазіргі ұрпақ үшін үлкен бақыт. Егемен Қазақстанның қалыптасу жолында ерлік көрсеткен жерлестерімізге ерекше алғыс айтамыз. Желтоқсаншылардың ерлігі мен қазақ халқының бостандық сүйгіш рухы өскелең ұрпаққа үлгі. Біз әрқашан олардың еңбегін жоғары бағалаймыз және құрметтейміз», – деді Нұрбол Нұрсағатов.
«Абай облысы Желтоқсан 86» қоғамдық бірлестігінің мүшесі Эльмира Жүрсінбекқызы Желтоқсан оқиғасының тарихи маңызы туралы айтып, оны келер ұрпаққа насихаттау жұмыстарының жүргізіліп жатқанын атап өтті.
«Біздің өңірде «Абай облысы Желтоқсан 86» қоғамдық бірлестігі ресми жұмыс істейді. Қаламызда Желтоқсан көтерілісіне 150-ге жуық азамат қатысқан. Біз жыл сайын Қайрат Рысқұлбеков атындағы №33 мектептегі музейге барып, өскелең ұрпақты «Жас Қайратшылар» қатарына қабылдаймыз. Бұл мұраны сақтау – бәріміздің ортақ міндетіміз», – деді ол.
Кездесуде Желтоқсан оқиғасына қатысты тарихи деректерді сақтау мақсатында арнайы кітап шығаруға ұсыныс жасалды. Қала әкімі Нұрбол Нұрсағатов қатысушыларды Тәуелсіздік күнімен құттықтап, Желтоқсан оқиғасына қатысқан азаматтарды марапаттады.
“Қалаға сіңірген еңбегі үшін” медалімен марапатталғандар:
1. Асылбай Абылайхан Қалқанұлы
2. Каспақбаева Жұлдыз Сәкенқызы
3. Сахариева Гүлнар Назарханқызы
4. Оразмолданова Алмагүл Қадырбекқызы
5. Сарманов Тоқтарғазы Халилұлы
6. Смағұлов Бауыржан Рамазанұлы
Құрмет грамотасы берілгендер:
1. Айтжанова Жанат Наукенқызы
2. Аубәкірова Сұлушаш Жәнібекқызы
3. Байелов Ержан Шәкенұлы
4. Қасымов Оразбек Жұмағазынұлы
5. Қонарбаев Сәттібай Сағынбайұлы
6. Нұрбосынов Әділ Тұрдығазыұлы
Алғыс хат иегерлері:
1. Ахметқалиева Айгүл Сырлыбайқызы
2. Жүрсінбекқызы Эльмира
3. Каринова Бақытгүл Төкенқызы
4. Қошымбаев Самат Маратұлы
5. Муллағарова Амангүл Зарипханқызы
6. Орақбаев Бақыт Кәлиназаұлы
7. Рысбаева Рая Кеңесқызы
