Абай облысы соттары қаралған істер санының өскенін атап өтті

Бүгін, 09:21 Думан Кенжеғазыұлы

2024 жылы Абай облысы соттарының жұмысының қорытындысы бойынша барлық сот өндірістері түрлерінен қаралған істер санының артқаны байқалады. Барлығы 30 055 іс қаралды, бұл 2023 жылмен салыстырғанда 10,9%-ға артық (2023 жылы 26 763 іс қаралған).

Бұл туралы Өңірлік коммуникациялар қызметінде өткен брифингте облыстық соттың төрағасы Қайрат Чақпантаев мәлімдеді.

– Соттардағы жүктеме артты – 2024 жылы олар 2023 жылға қарағанда 4 320 іске артық қарады. Оның ішінде, шамамен 2 500-і азаматтық істер. Қаралған қылмыстық істер саны 4,7%-ға өсті (2024 жылы – 867 / 2023 жылы – 826), ал әкімшілік істер саны 4,2%-ға артты (2024 жылы – 720 / 2023 жылы – 690). Біз мұның себебін зерттеп, облыс мәртебесінің қайта берілуінен кейін халықтың сотқа жиі жүгінетінін анықтадық. Уәкілетті органдар әкімшілік құқықбұзушылықтарға жиі әрекет етуде, олардың іс-әрекеттеріне қатысушылар тарапынан шағымдар көбейді, – деп атап өтті Қайрат Чақпантаев.

Істер мен материалдар судьялардың өндірісіне қабылданып, уақытылы қаралды. Қарау мерзімдерінің бұзылу фактілері жоқ. Барлық сот актілері бойынша қабылданған шешімдердің мазмұны түсіндірілуде.

Сотқа дейінгі сатыда бақылау күшейтілді. Қабылданған шаралардың нәтижесінде ҚР ҚПК 106-бабы тәртібімен (прокурорлар мен тергеу органдарының әрекетіне/әрекетсіздігіне және шешімдеріне шағымдарды сотта қарау) 62 материал қаралып, оның 34-і (54,8%) қанағаттандырылды.

Заң бұзушылықтарды болдырмау мақсатында облыс соттары мемлекеттік органдардың атына 596 жеке қаулы мен ұйғарым енгізді, бұл өткен жылмен салыстырғанда 30%-ға көп.

Сондай-ақ, Абай облысы сотының төрағасы татуласумен аяқталатын істер санының артып жатқанын атап өтті.

- Азаматтық істердің ішінде татуласу мүмкіндігі бар істердің 49,3%-ы медиация арқылы шешілді. Бұл – республика бойынша үшінші нәтиже. Біз мемлекеттік тілге ерекше назар аударамыз. Бұрын мемлекеттік тілде 29% іс қаралса, қазір бұл көрсеткіш 37,2%-ға жетті. Сот инфрақұрылымы да дамып келеді. Семейде облыстық соттың жаңа ғимаратының құрылысы аяқталып, жаңа ғимарат Бородулиха аудандық сотына да берілді, – деді Қайрат Чақпантаев.

Іс-шара соңында қылмыстық, азаматтық және әкімшілік алқалардың төрағалары облыстағы резонанстық істер бойынша түсіндірмелер берді.

Тағыда оқыңыз

Жоғары қадағалау – абыройлы міндет Қасым-Жомарт Тоқаев: «Мақсатым – экономиканы және егемендікті нығайту»Қасым-Жомарт Тоқаев: Біз озық ойлы ұлт ретінде тек қана алға қарауымыз керек Мемлекет басшысы Қасым-Жомарт Тоқаевтың «Әділетті Қазақстанның экономикалық бағдары» атты Қазақстан халқына Жолдауы Кәсіпкерлер соттардың бейтарап шешім қабылдайтынына сенімді болуы керек – Жоғарғы сот басшысы

Бізге ақпарат жолдаңыз Телеграмдағы каналымыз

Абай облысы соттары қаралған істер санының өскенін атап өтті

Пікірлер (0)