Облыс аумағында 82 рет дауылды ескерту жарияланған

Кеше, 13:55 Думан Кенжеғазыұлы

Жыл басынан бері ауа- райының қолайсыздығына байланысты елімізде түрлі жағдайлар орын алған болатын. Ақ түтек боран, қатты аяз және көк тайғақ мұз секілді биылғы қыстың құбылмалы күнінде біздің облыс бойынша да 82 рет дауылды ескерту жарияланып және автожолдарға 53 рет шектеу қойылған . Бұл туралы өңірлік коммуникациялар қызметі алаңында Абай облысы Полиция департаменті Жергілікті полиция қызметі басқармасы бастығының орынбасары, полиция майоры Ержан Ақбаев баяндады.

- Биылғы қыстағы дауылды ескертуге байланысты халықаралық, республикалық және облыстық маңызы бар автожолдарда 53 рет шектеу қойылды. Оған облыс бойынша 156 қызметкер жұмылдырылды. Сонымен қатар, жол бойындағы бекеттерде 1313 көлік құралы, оның ішінде 652 жүк көлігі, 638 жеңіл көліктер және 23 автобус тоқтатылды. Олардың қатарында 8 автокөлік эвакуацияланып, 209 адам жылыту пункттеріне жеткізілді,- деді Ержан Ақбаев.

Сондай-ақ, Төтенше жағдайларды жою басқармасының бастығы, азаматтық қорғау подполковнигі Асет Жолдыбеков бүгінгі күнге дейін құтқару бөлімшелерімен 10 авариялық-құтқару жұмыстары жүргізілгендігін атап өтті.

- Ауа-райының нашарлауына байланысты Абай облысының аумағында дауылды ескерту жарияланып тұрды. Ескертуге қарамастан жолға шығып кеткендер бар. Соған байланысты 10 авариялық-құтқару жұмыстары жүргізілді. Онда 10 адаммен 1 бала құтқарылып, 20 адам эвакуацияланды. Сонымен қатар, қар үйінділерінен 3 бірлік техника (жеңіл автомобильдер) шығарылып, 7 іздестіру-құтқару жұмыстары кезінде ТЖД күштерімен 8 адам құтқарылған болатын, - деп түйіндеді Төтенше жағдайларды жою басқармасының бастығы.

Төтенше жағдайлар департаменті қауіпсіздікті қамтамасыз ету мақсатында облыс тұрғындарына қауіпсіздік ережелерін қатаң сақтауды және ауа-райының өзгеруі туралы SMS хабарламаны мұқият қадағалауын ескертеді. Төтенше жағдай туындаған жағдайда «112» немесе «101» нөмірлеріне қоңырау шалу қажет.

Тағыда оқыңыз

Қасым-Жомарт Тоқаев: «Мақсатым – экономиканы және егемендікті нығайту»Мемлекет басшысы Қасым-Жомарт Тоқаевтың Ұлттық құрылтайдың «Адал адам – Адал еңбек – Адал табыс» атты үшінші отырысында сөйлеген сөзі Мемлекет басшысы Қасым-Жомарт Тоқаевтың «Әділетті Қазақстанның экономикалық бағдары» атты Қазақстан халқына Жолдауы Үкіметте Қазақстан өңірлерінің су тасқынына дайындығы қаралды Қасым-Жомарт Тоқаев: Біз озық ойлы ұлт ретінде тек қана алға қарауымыз керек

Бізге ақпарат жолдаңыз Телеграмдағы каналымыз

Облыс аумағында 82 рет дауылды ескерту жарияланған

Пікірлер (0)