Абай облысында көпшіліктің қолдауымен жиналған қаражатқа баспана сатып алу мәселесі ашық өтеді
Абай облысының бала құқықтары жөніндегі өңірлік уәкілі Эльзира Солтабаева отбасыға қолдау көрсетуге қатысты маңызды жаңалықтармен бөлісті.
Оның айтуынша, толық медициналық тексеруден өткен балаға қажетті психологиялық көмек көрсетілуде. Сонымен қатар, отбасыға құқықтық көмек беру мәселесі де қолға алынған.
Бүгін белгілі болғандай, көпшіліктің қолдауымен отбасының жақын туысының есепшотына 24 миллион теңге жиналды. Бұл қаражат баспана сатып алуға жұмсалады. Қаржының ашық әрі әділ жұмсалуын қамтамасыз ету мақсатында облыстық және қалалық мәслихат депутаттары, адвокат және қоғамдық бірлестіктер өкілдерімен бірлескен арнайы комиссия құрылып жатыр.
«Отбасыға көмек көрсету жұмыстары ашықтық пен әділдік қағидаларына негізделеді. Қоғамның зор қолдауын ескере отырып, тұрғын үйді таңдау және сатып алу процесі барынша жариялы түрде өтетін болады», – деп мәлімдеді Эльзира Солтабаева.
Сонымен қатар, ол отбасының барша қазақстандықтарға білдірген шынайы алғысын жеткізді.
Тағыда оқыңыз
Мемлекет басшысы Қасым-Жомарт Тоқаевтың «Әділетті Қазақстанның экономикалық бағдары» атты Қазақстан халқына ЖолдауыҚасым-Жомарт Тоқаев: «Мақсатым – экономиканы және егемендікті нығайту»Мемлекет басшысы Қасым-Жомарт Тоқаевтың «Әділетті Қазақстан: заң мен тәртіп, экономикалық өсім, қоғамдық оптимизм» атты Қазақстан халқына ЖолдауыМемлекет басшысы Қасым-Жомарт Тоқаевтың Ұлттық құрылтайдың «Адал адам – Адал еңбек – Адал табыс» атты үшінші отырысында сөйлеген сөзіҚасым-Жомарт Тоқаев: Біз озық ойлы ұлт ретінде тек қана алға қарауымыз керек