Нұрбек Бекенов облыстық «SEMEI» телеарнасының басшысы болып тағайындалды
«Қазақстан» РТРК» АҚ Абай облыстық филиалының директоры қызметіне Нұрбек Мұхаметқалиұлы Бекенов тағайындалды.
Нұрбек Бекенов – тәжірибелі тележурналист, медиаменеджер, сондай-ақ мемлекеттік қызмет саласында да мол тәжірибеге ие маман. Ол ҚР Президенті Баспасөз қызметінде және Ұлттық экономика министрлігінде кеңесші болып еңбек еткен.
Бұған дейін «Қазақстан» РТРК мен 24KZ телеарнасының Қытайдағы, сондай-ақ «Хабар» агенттігінің АҚШ-тағы меншікті тілшісі қызметтерін атқарған.
Сонымен қатар, Жамбыл облысында «Aulieata-Media» холдингі ЖШС-нің Бас директоры, Шығыс Қазақстан облысында «Шығыс-Ақпарат» медиа холдингі ЖШС-нің Басқарма төрағасы лауазымдарында жұмыс істеген.
Ол – XI халықаралық «Шабыт» фестивалінің (2008) Бас жүлдегері, Президент Кубогының иегері. Сондай-ақ, ҚР Президентінің Алғыс хаттарымен марапатталған.