Қазақстан халқы Ассамблеясының 30 жылдығы: Абай облысында ел бірлігінің нышаны ұлықталды

15-04-2025, 12:17 Думан Кенжеғазыұлы

Облыс әкімі Берік Уәлидің төрағалығымен Қазақстан халқы Ассамблеясының 30 жылдығына арналған кеңейтілген кеңес өтті. Жиынға өңірдегі этномәдени бірлестіктердің, қоғамдық институттардың өкілдері қатысты.

Бүгінде облыста 5 Достық үйі мен 46 этномәдени бірлестік жұмыс істейді. Жыл басынан бері қоғамдық келісім мен бірлікті нығайтуға бағытталған 250-ден астам іс-шара ұйымдастырылған.

Кеңесте сөз алған облыс әкімі Қазақстан халқы Ассамблеясының еліміздің бірегейлігін айқындайтын, азаматтық тұтастығын арттыратын, этносаралық келісімді нақты іспен жүзеге асыратын маңызды қоғамдық институт екенін атап өтті.

«Мемлекет басшысы Қасым-Жомарт Кемелұлы Тоқаевтың қоғамдық-саяси реформаларының нәтижесінде бұл маңызды институттың қызметіне тың серпін, жаңа мазмұн беріліп келеді. Қазақстан халқы Ассамблеясының ХХХІІ сессиясында Президентіміз: «Ынтымағы бекем жұрттың болашағы баянды болады. Ел бірлігін нығайту және Отанымызды өркендету – қасиетті парыз», – деп нақты міндет қойды. Бұл – баршамыз үшін ортақ тарихи жауапкершілік. Дана халқымызда «Ынтымақты елге бақ қонар» деген аталы сөз бар. Бұл тұрғыдан алғанда «Ассамблея» – сенім мен сыйластықтың алаңы, татулық пен тұрақтылықтың тірегі. Этностардың мәдениетін, тілін, салт-дәстүрін құрметтей отырып, бәрімізді біріктіретін – бір мүдде мен ортақ болашақ. Отанымыздың іргесі берік, шаңырағы қашанда биік болсын! Қазақстан халқы Ассамблеясының 30 жылдық мерейлі мерекесі құтты болсын!»,- деді аймақ басшысы.

Облыс әкімі жиын барысында Абайдың 180 жылдығына орай Мемлекет басшысының қолдауымен «Абайға құрмет» республикалық акциясы басталғанын айтты. Игі бастама аясында еліміздің барлық облыстары өңірімізге тарту жасамақ. Аймақ басшысы Маңғыстау облысы Семей қаласына жаңа Достық үйін салып беретінін жеткізді.

«Бұл – шын мәнінде еліміздің ішкі бірлігін, ынтымағы жарасқан еліміздің біртұтастығын көрсетеді. Осындай қуанышты жаңалық үшін біз Президентімізге, Үкіметке және Маңғыстау облысының әкімдігіне алғыс айтамыз»,- деді облыс әкімі.

Кеңес аясында этномәдени бірлестік, қоғамдық институт өкілдері, діни қызметкерлер, Достық үйлерінің директорлары, мәслихат депутаттары мен еңбек ардагерлері «Қазақстан халқы Ассамблеясына 30 жыл» мерекелік медалімен марапатталды.

Тағыда оқыңыз

Қасым-Жомарт Тоқаев: «Мақсатым – экономиканы және егемендікті нығайту»Мемлекет басшысы Қасым-Жомарт Тоқаевтың Қазақстан халқы Ассамблеясының «Бірлік. Жасампаздық. Өрлеу» атты ХХХІІІ сессиясында сөйлеген сөзі Мемлекет басшысы Қасым-Жомарт Тоқаевтың Ұлттық құрылтайдың «Адал адам – Адал еңбек – Адал табыс» атты үшінші отырысында сөйлеген сөзі Қасым-Жомарт Тоқаев: Біз озық ойлы ұлт ретінде тек қана алға қарауымыз керек Мемлекет басшысы Қасым-Жомарт Тоқаевтың Ұлттық құрылтайдың төртінші отырысында сөйлеген сөзі

Бізге ақпарат жолдаңыз Телеграмдағы каналымыз

Қазақстан халқы Ассамблеясының 30 жылдығы: Абай облысында ел бірлігінің нышаны ұлықталды

Пікірлер (0)