Алдағы уақытта Абай облысында «Туған жерге туыңды тік» атты инвестициялық форум өтеді. Бұл маңызды шара өңірдің әлеуметтік-экономикалық әлеуетін арттыру, жаңа жұмыс орындарын ашу және инвестиция тарту мақсатында ұйымдастырылмақ.

Форумға аймақтағы ірі кәсіпорындар мен бизнес өкілдері қатыспақ. «Силикат» ЖШС бас директоры Жұмабек Ибраев алдағы форумның маңыздылығын ерекше атап өтті.

«Силикат» ЖШС – өңір экономикасының дамуына елеулі үлес қосып келе жатқан кәсіпорындардың бірі. Компания құрылыс индустриясы мен әлеуметтік жобаларды дамытуға ерекше көңіл бөледі.

Форум аясында облыстың инвестициялық мүмкіндіктері таныстырылып, бизнес қауымдастық үшін жаңа серіктестік бағыттар айқындалады деп күтілуде. Жергілікті кәсіпкерлердің қолдауы – Абай облысының тұрақты дамуының кепілі.