Аягөз гарнизонының әскери қызметшілерімен әскердегі тәртіпті күшейту, нығайту, жеке құрамды Отан сүйгіштікке баулу және әскери патриотизмге тәрбиелеу мақсатында  «Әскери тәртіп» тақырыбында  кездесу өтті. Оған Аягөз гарнизонының әскери полиция өкілдері мен әскери бөлімдерінің командирлері және бірқатар офицерлер  қатысты.

Іс-шарада сөз алған Аягөз гарнизоны әскери полиция бөлімінің бастығы подполковник Бауыржан Мұқашев әскери бөлімдерде көптеп өткізіліп жатқан әскери тәртіп бойынша жұмыстары және әскери тәртіптің міндеті мен тәрбиелеу әдістері туралы сөз қозғады. Күн тәртібіндегі екінші мәселе 2023 жылға арналған әскери бөлімдерде құқық бұзушылықтардың алдын алу бағдарламасын іске асыру аясында атқарылып жатқан өзекті тақырыптарға тоқталып, жоғары басшылықтардың талаптарын жеткізді.

Сонымен қатар әскери полиция өкілдері алдымен өткен жылы Қазақстан Республикасы Қарулы Күштерінде түрлі себептер бойынша әкімшілік және құқықбұзушылық фактілерді қатысушыларға жеткізіп, оған жол бермеуге шақырды. Өз кезегінде жиынға қатысушылар өз ұсыныстары мен пікірлерін ортаға салып, туындаған сұрақтар бойынша пікір алмасты.

Кездесу соңында гарнизон бастығы подполковник Дәулет Сүттібаев әскери тәртіп пен басқа да құқық бұзушылықтардың алдын алу шараларын күшейту бойынша міндеттерді іске асыру негізінде біршама тапсырмаларды бекітті.