Қазақстан халқы Ассамблеясы Хатшылығының төрағалығымен өткен  кезекті жұмыс кеңесінде Абай облыстық Ішкі саясат басқармасы басшысының орынбасары Назерке Аққожина, ҚХА Хатшылығы және Ішкі саясат басқармасы этносаралық қатынастар мониторингі бөлімінің басшысы Мағжан Құрманов және «Қоғамдық келісім орталығы – облыстық Достық үйі» КММ директоры Надежда Шарова атқарылған жұмыстар есеп берді.

Қатысушылар Достық үйінің туристік және қоғамдық алаң ретіндегі рөлін талқылады. Оның бірлік және этносаралық диалогты дамытуға бағытталған ҚХА бастамаларын іске асыруда тиімді алаң ретіндегі маңызы ерекше атап өтілді.

ҚХА 13 арнайы қоғамдық жобасының іске асырылу барысы, сондай-ақ Ұлы Абайдың 180 жылдығына және Қазақстан халқы Ассамблеясының 30 жылдық мерейтойына арналған шаралардың іске асырылуы қаралды. 

ҚР Президенті Қазақстан халқы Ассамблеясының XXXIV сессиясында берген тапсырмаларының орындалуына және өңірдегі этносаралық қатынастарды одан әрі дамыту мәселесіне ерекше назар аударылды.