Өнеркәсіп және құрылыс министрі Ерсайын Нағаспаев Лилиана Де Са Кирхкнопф бастаған Еуропалық қайта құру және даму банкінің (ЕҚДБ) делегациясымен кездесу өткізді.

Келіссөздер барысында тараптар тұрақты даму, инфрақұрылымды дамыту және маңызды пайдалы қазбалар бойынша ынтымақтастық салаларындағы стратегиялық серіктестікті кеңейту мәселелерін талқылады.

Министр технологиялар трансфертіне, өндірістік кластерлерді қалыптастыруға және өндірісті оқшаулауға баса назар аудара отырып, инвестициялық жобаларды жүзеге асыруға бейілділігін қуаттады.

Бірлескен инфрақұрылымдық бастамаларға, соның ішінде Қазақстанның бірқатар қалаларының кәріздік тазарту құрылыстарын жаңғыртуға, сондай-ақ тұрақты урбанизм саласындағы жобаларға ерекше назар аударылды.

Қазақстан мен Еуропалық Одақ арасындағы ағымдағы өзара түсіністік туралы меморандум аясында кездесуге қатысушылар маңызды пайдалы қазбаларды жеткізудегі ынтымақтастықты кеңейту және шикізатты жеткізудің тұрақты жаһандық тізбегін қалыптастыруға қатысу мәселелерін де талқылады.

Кездесу қорытындысы бойынша тараптар әріптестікті тереңдетуге өзара мүдделі екендіктерін қуаттап, одан әрі сындарлы диалогқа дайын екендіктерін білдірді.