Абай облысында Ұлттық домбыра күніне арналған көрме өтті

Кеше, 14:22 Думан Кенжеғазыұлы

Семей қаласындағы облыстық тарихи-өлкетану музейінде Ұлттық домбыра күніне арналған «Ұлы дала үнісің сен, домбыра!» атты көрме ұйымдастырылды.

Аталулы шара Ұлттық домбыра күнін кеңінен насихаттауға және қазақ халқының төл өнері мен мәдени мұрасын дәріптеуге бағытталған.

Көрменің негізгі мақсаты – өлкетану музейінің қорында сақталған, еліміздің белгілі ақындары мен өнер қайраткерлеріне тиесілі жеке домбыралар арқылы қазақ халқының ұлттық рухани мұрасын кеңінен таныстыру, домбыраның өнер мен мәдениеттегі ерекше орнын айшықтау.

Көрме барысында келушілер тарихи тұлғалар пайдаланған домбыралармен танысып, олардың шығармашылық жолы мен мәдениетке қосқан үлесі туралы мол мағлұмат алды. Экспозицияда ұлттық аспаптың әртүрлі үлгілері мен ерекшеліктері көрсетіліп, домбыраның қазақ күй өнері мен ән дәстүріндегі маңызы айтылды.

- Ұлттық домбыра күні – халқымыздың рухани байлығын, төл өнерін ұлықтайтын мереке. Бүгінгі ұйымдастырылып отырған «Ұлы дала үнісің сен, домбыра!» атты көрменің мақсаты – қазақтың киелі аспабы арқылы ұлттық мәдениетті насихаттау. Бұл көрме – бір ғана музыкалық аспапты көрсету емес, бұл – тұтас бір дәуірлердің, тарихи тұлғалардың рухын сезіндіру, жастарға өнеге беру. Ата-бабалардан мирас болған асыл өнер арқылы біз жас ұрпақтың бойына ұлттық құндылықтарды сіңіре аламыз. Домбыра – халқымыздың үні, шежіресі, тектілігінің нышаны. Осындай рухани-мәдени шаралар арқылы біз төл өнерімізге деген құрметімізді көрсетеміз. Көрмеге арнайы келіп, атақты күйшілер мен өнер саңлақтарының домбыраларын көруге келген барша жұртшылыққа алғысымды білдіремін, – деп атап өтті Семей қаласының облыстық тарихи-өлкетану музейінің директоры Қайрат Сабырбаев.

Көрмеге Абай дәстүрінің жалғастырушылары Сапарғали Әлімбетов, Тәңірберген Әміренов, дүлдүл әншілер Жәнібек Кәрменов, Болат Сыбанов, Келденбай Өлмесеков, Мейрамбек Ахметов, Кентау Назарбек, Берік Омаров, ақындар Ақылбек Манабаев, Дәметкен Омарбаева, Абайдың жиені Балтабек Ерсәлімов, композитор әрі күйші Рахымбек Ноғайбаев, белгілі ғалым Амантай Исин және басқа да өнер қайраткерлерінің домбыралары қойылды.

Тағыда оқыңыз

Мемлекет басшысы Қасым-Жомарт Тоқаевтың Ұлттық құрылтайдың «Адал адам – Адал еңбек – Адал табыс» атты үшінші отырысында сөйлеген сөзі Мемлекет басшысы Қасым-Жомарт Тоқаевтың Ұлттық құрылтайдың төртінші отырысында сөйлеген сөзі Қасым-Жомарт Тоқаев: «Мақсатым – экономиканы және егемендікті нығайту»Мемлекет басшысы Қасым-Жомарт Тоқаевтың Қазақстан халқы Ассамблеясының ХХХІV сессиясында сөйлеген сөзі Қасым-Жомарт Тоқаев: Біз озық ойлы ұлт ретінде тек қана алға қарауымыз керек

Бізге ақпарат жолдаңыз Телеграмдағы каналымыз

Абай облысында Ұлттық домбыра күніне арналған көрме өтті

Пікірлер (0)