Абай облысында өтіп жатқан ASK CAMP республикалық форумы аясында жастарға арналған «Jas Power Talks» сессиясы ұйымдастырылды. Аталған формат аясында қатысушылар елдің түрлі салаларында еңбек етіп жүрген сарапшылармен кездесіп, өзекті тақырыптар бойынша ашық әрі еркін пікір алмасты.

Сессияға ҚР Мәдениет және ақпарат министрлігі Жастар және отбасы істері комитетінің басқарма басшысы Ақұлан Тастемір, Абай облысы әкімдігінің Жастар саясаты мәселелері жөніндегі басқарма басшысының уақытша міндетін атқарушы Олжас Түсіпбекұлы, Alikhan Bokeikhan University проректоры Айрат Базенов, Астана қаласы Қоғамдық кеңесі жанындағы Жастар ісі жөніндегі комиссия төрағасы Бақдәулет Болатұлы, сондай-ақ «Азаматтық Альянс» ЗТБ президенті Эльзира Әуесханова қатысты.

Шара аясында жастардың көшбасшылық қабілеттері мен логикалық ойлауын дамыту мақсатында командалық ойындар, квесттер және логикалық жарыстар ұйымдастырылды. Қатысушылар белсенділік танытып, бір-бірімен тәжірибе алмасып, азаматтық қоғамдағы рөлдері мен бастамаларын талқылады.

ASK CAMP форумы жастар үшін ашықтық пен еркіндікті, өзара қолдауды дәріптейтін, достық қарым-қатынас орнаған нағыз азаматтық алаң ретінде жоғары деңгейде өтті.