Қала әкімінің міндетін атқарушы Бекжан Бапышев Семей қаласының 2025 жылдың І жартыжылдығындағы әлеуметтік-экономикалық дамуы жөнінде халықпен кездесу өткізді. Кездесуге мәслихат депутаттары, ақсақалдар кеңесі, қоғам белсенділері, тұрғындар мен БАҚ өкілдері қатысты.

ҚР Президентінің 2022 жылғы 3 наурыздағы №826 Жарлығына сәйкес, халықпен кездесу ашық диалог негізінде өтті. Сонымен қатар жаңа форматта өткен кездесу кезінде баяндама оқылмай, жартыжылда атқарылған жұмыстар жайында видео тұрғындарға ұсынылды.

Семей қаласы 2025 жылдың бірінші жартыжылдығында әлеуметтік-экономикалық дамудың оң динамикасын көрсетті. Әлеуметтік, инфрақұрылымдық және инвестициялық жобалар жоспарлы түрде жүзеге асырылып, қаланың даму қарқыны тұрақты екенін дәлелдеді.

Семей қаласы барлық бағыттар бойынша жоспарлы дамып, тұрғындардың өмір сүру сапасын арттыру бағытындағы жұмыстарды жүйелі түрде жалғастыруда.