Абай Құнанбайұлының 180 жылдық мерейтойы аясында этноауылда 10 күн бойы қалалық ашық чемпионаттар өтпек

Бұл туралы Семей қаласының дене шынықтыру және спорт бөлімі басшысының м.а. Қуат Исажанов мәлімдеді.

Абай облысының өңірлік коммуникациялар қызметінде Абай Құнанбайұлының 180 жылдық мерейтойына арналған мәдени және спорттық іс-шаралардың өтуі туралы баспасөз конференциясы өтті. Жиында облыстық мәдениет, тілдерді дамыту және архив ісі басқармасының басшысының орынбасары Олжас Соғымбай, облыстық олимпиадалық спорт түрлері бойынша жоғары спорт шеберлігі мектебінің директоры Мұхит Тұрсынов, қалалық дене шынықтыру және спорт бөлімі басшысының м. а. Қуат Исажанов баяндама жасады.

Семей қаласында мерекелік іс-шаралардың он күндігі бекітіліп, аталған бағдарламаның аясында 12 спорт түрінен 14 спорттық іс-шара өтпек.