Облыс әкімі Түркістан өңірінің жұртшылығына алғысын жеткізді

Бүгін, 12:46 Думан Кенжеғазыұлы

Абайдың 180 жылдығына арналған онкүндік мерейтойлық шаралар аясында Түркістан облысының мәдени күндері Семей қаласында жоғары деңгейде өтті. Екі күнге созылған іс-шаралар жергілікті тұрғындар мен қала қонақтарының зор ықыласына бөленді.

Мәдени күндер аясында ауыл шаруашылығы өнімдерінің жәрмеңкесі ұйымдастырылып, Түркістан өңірінің табиғи әрі сапалы өнімдері нарықтағыдан төмен бағамен саудаланды. Жәрмеңкеге 540 тоннадан астам, 40-қа жуық өнім түрлері жеткізілді.

Бүгін Абай облысы әкімі аппаратының басшысы Эльдар Бақпаев киелі Түркістан жерінен келген қонақтарға аймақ басшысы Берік Уәлидің құттықтау хатын оқып, Алғыс хаттарды табыстады.

«Қасиетті Абай өңірі, Семей жеріне қонақтардың алдыңғы легі болып, керуен тартып, қасиетті жердің дәмі мен сәлемін алып ұлттық рухани астанасы Түркістан облысы жетті. Абай облысы әкімдігінің атынан осы іс-шараға белсене қатысқан Түркістан облысының басшылығына, ұйымдастырушыларына және барлық қатысушыларына шынайы алғысымды білдіремін»,- делінген құттықтау хатта.

Айта кетейік, Түркістан облысының мәдени күндері аясында қолөнер шеберлерінің көрмесі мен концерттік бағдарлама жұртшылық назарына ұсынылды.

Тағыда оқыңыз

Семейге Түркістан облысынан 540 тоннадан астам өнім жеткізілді Мемлекет басшысы Қасым-Жомарт Тоқаевтың Ұлттық құрылтайдың төртінші отырысында сөйлеген сөзі Мемлекет басшысы Қасым-Жомарт Тоқаевтың Ұлттық құрылтайдың «Адал адам – Адал еңбек – Адал табыс» атты үшінші отырысында сөйлеген сөзі Мемлекет басшысы Қасым-Жомарт Тоқаевтың «Әділетті Қазақстанның экономикалық бағдары» атты Қазақстан халқына Жолдауы Қасым-Жомарт Тоқаев: «Мақсатым – экономиканы және егемендікті нығайту»

Бізге ақпарат жолдаңыз Телеграмдағы каналымыз

Облыс әкімі Түркістан өңірінің жұртшылығына алғысын жеткізді

Пікірлер (0)