Абай облысында 24 мыңнан астам мүгедектігі бар адам бар, оның ішінде 2,9 мыңы – балалар. Биыл оларды техникалық оңалту құралдарымен және қызметтермен қамтамасыз етуге 3,7 млрд теңге қарастырылды. Бұл туралы Өңірлік коммуникациялар қызметі алаңында өткен баспасөз мәслихатында Абай облысының жұмыспен қамту және әлеуметтік бағдарламаларды үйлестіру басқармасының басшысы Айман Нұрлыбек баяндады.

Мәселен, Үржардағы балаларға арналған орталыққа 89,8 млн теңгеге күрделі жөндеу жасалып жатыр. Аягөздегі мекемеде өрт дабылы жүйесі мен қазандықтар жаңартылып, терезелер ауыстырылуда. Ал Бородулиха орталығында қазандықты жаңарту және лифтіні жөндеу жұмыстары басталды. Сонымен қатар, Семейде психоневрологиялық ауруларға арналған 100 орындық жаңа корпус салынуда.