Семей қаласындағы Шәкәрім университетінде оқушылар арасында республикалық пікірсайыс турнирі ұйымдастырылды.

Шараның мақсаты – оқушылардың азаматтық ұстанымын қалыптастыру, өзекті қоғамдық мәселелерді талқылау арқылы шығармашылық және сыни ойлау қабілеттерін дамыту.

Биылғы турнирге 2024–2025 оқу жылындағы облыстық және қалалық кезеңдердің жеңімпаздары – жалпы орта және қосымша білім беру ұйымдарынан 180 оқушыдан құралған 60 команда қатысты.

Жарыс үш лига бойынша өтіп, жеңімпаздар төмендегідей анықталды:

Қазақ лигасы

• І орын – Жамбыл облысы

• ІІ орын – Алматы қаласы

• ІІІ орын – Қызылорда облысы

Орыс лигасы

• І орын – Қостанай облысы

• ІІ орын – Абай облысы

• ІІІ орын – Ақтөбе облысы

Ағылшын лигасы

• І орын – Абай облысы

• ІІ орын – Ұлытау облысы

• ІІІ орын – Шымкент қаласы

Жеңімпаздар дипломдар және арнайы сыйлықтармен марапатталды. Ал барлық қатысушыларға сертификаттар табысталды.

Турнирді ҚР Оқу-ағарту министрлігінің Республикалық қосымша білім беру оқу-әдістемелік орталығы мен Абай облысы білім басқармасының «Дарын» орталығы ұйымдастырды.

Абай облысы білім басқармасының баспасөз қызметі