2025 жылғы 24-25 қыркүйек күндері Семей қаласында жергілікті атқарушы органдар мен олардың құрылымдық және ведомстволық бағыныстағы ұйымдарының қызметкерлеріне арналған көшпелі оқыту семинары өтеді. Семинардың мақсаты – мемлекеттік қызметшілердің кәсіби біліктілігін арттыру, заңнамаларды түсіндіру және цифрлық жүйелерді пайдалану дағдыларын жетілдіру.

Шара аясында ҚР Бас прокурорының бұйрықтары мен Әкімшілік рәсімдік-процестік кодекс нормалары талқыланып, «Е-Өтініш» ақпараттық жүйесінің жаңа мүмкіндіктері таныстырылады. Сондай-ақ білімді басқару, Бірыңғай білім қорын толықтыру әдістемесі және азаматтарды қабылдау тәртібі түсіндірілмек. Семинарға Астана қаласынан және өңірден шақырылған салалық мамандар қатысып, қатысушылар өзекті сұрақтарына жауап алады.