Семей қаласында өтіп жатқан әкім сайлауында аға буын өкілдері де жоғары белсенділік танытып, өз таңдауларын жасауда.

Елдің өркендеуіне өмір бойы еңбек сіңірген аға ұрпақ өкілдері бұл сайлауды қаланың дамуы мен қоғамның болашағына бағытталған маңызды қадам деп бағалайды.

— «Біз елдің игілігі үшін еңбек еткен, талай кезеңді бастан өткерген буынбыз. Бүгінгі сайлау – ел тағдырын айқындайтын тарихи сәт. Әркім өз даусын беру арқылы туған қаласының болашағына үлес қосады», – дейді ақсақалдар.

Аға буынның белсенді қатысуы – жастарға өнеге, елге үлгі. Бұл – азаматтық жауапкершіліктің және ұрпақтар сабақтастығының жарқын көрінісі.