«Елімай» ФК кім жаттықтырушы болады және командаға іріктеу қалай өтеді?
Жақында Абай облысында «Елімай» футбол командасына іріктеу басталады. Бұл туралы футбол клубтың әлеуметтік желілеріндегі парақшаларында жерлесіміз, атақты футболшы Самат Смақов тікелей эфирде айтып берді.
«12 желтоқсаннан бастап Семейде жиындар өтеді. Содан кейін командаға іріктеу басталады. 2000 жылға дейінгі спортшылар командаға қосылуға мүмкіндік бар. Мен жаттықтырушылар құрамы мен медициналық персоналды қалыптастыруға тікелей қатысамын. Сондай-ақ, менде жаттығу процесі мен ойыншыларды таңдау бар. Біз жаттықтырушылар штабымен және «Елімай» ФК негізгі құрамдас бөлігі болып табылатын адамдармен бірлесе отырып, келесі жиындарға кім баратынын, қаңтар айындағы жиындарға кім қатысатынын және нақты шарт жасасып, футбол клубының атынан кім қатысатынын шешетін боламыз», – деді Самат Смақов.
Жаттықтырушылар құрамына келетін болсақ, жаттықтырушылар арасында Америка Құрама Штаттарында үлкен тәжірибесі бар Дмитрий Торгунский бар. Ол сондай-ақ, «Superbol» жобасына қатысты. Дмитрий Торгунский жарақат алған ойыншылардың дене шынықтыруы мен оңалтуына тікелей жауапты болады.
«Алдағы күндері команданың қақпашылары туралы белгілі болады. Үміткерлер бар. Олармен келіссөздер жүргізілуде. Сондай–ақ, Семейден келген жаттықтырушы міндетті түрде болады, өйткені өз кадрларын дайындау керек», – дейді Самат Смақов.
«Елімай» клубының спорттық директоры біздің туған клубымызға бір жылдан астам уақыт берген барлық жанкүйерлерге белгілі Богомолов Андрей Анатольевич болады. Сондықтан Семейдің футбол өмірінде жанкүйерлер тек қуанатын үлкен өзгерістер болады.
Тағыда оқыңыз