Абай ауданының әкімі Мейіржан Серікбосынұлы жұмыс кестесіне сәйкес аудан тұрғындарын жеке қабылдау өткізді. Қабылдауға тиісті сала басшылары мен бөлім жетекшілері қатысып, тұрғындардың өтіністері мен ұсыныстарын тыңдады.

Кездесу барысында азаматтар негізінен тұрғын үй және жайылымдық жер мәселелерін көтерді. Әрбір өтініш мұқият қаралып, нақты шешу жолдары талқыланды.

Аудан әкімі Мейіржан Серікбосынұлы көтерілген мәселелердің барлығы ескерусіз қалмайтынын айтып, тиісті бөлім басшыларына тапсырмалар жүктеді. Сонымен қатар берілген тапсырмалардың орындалуы мен қабылдауда қозғалған мәселелердің нәтижесі өзінің тікелей бақылауында болатынын атап өтті.

Мұндай жеке қабылдаулардың негізгі мақсаты – тұрғындардың өзекті проблемаларын жедел шешу, билік пен халық арасындағы ашық диалогты нығайту және әр азаматтың пікіріне мән беру болып табылады.