Семейлік оқушылар әскери бөлімге саяхат жасады
Абай гарнизонына қарасты 30217 әскери бөлімі «Бабалар ізімен» науқаны аясында Семей қаласындағы мектеп оқушыларына арналған «ашық есік» күнін ұйымдастырды. Шараға шаһардағы «Жасұлан» ерлер лицейінің тәрбиеленушілерімен қатар №7 және 44 жалпы білім беретін мектеп оқушылары қатысты. Танымы мен тағылымы мол кеште білім алушыларға әскери техникалар мен заманауи қару-жарақ түрлері таныстырылды.
- «Бабалар ізімен» науқаны аясында жүргізілген шара өскелең ұрпақ бойына патриоттық сезім ұялатып, отансүйгіштік қасиеттерін оятады. Жалпы «Шығыс» өңірлік қолбасшылығына қарасты әскери бөлімнің тарихы тереңнен бастау алады, - дейді 30217 әскери бөлімі командирінің орынбасары подполковник Талғат Бәйгебаев.
Оқушылар сондай-ақ казарма ішіне бас сұғып сонымен қатар асханадағы ас мәзірімен де танысып көрді. Шараға соңында жас толқын әскери өмірге деген қызығушылықтарымен бөлісті. Әскери бөлім де елжанды жас ұрпақтардың рухын көтеруде Отан қорғау саласының маңызы зор екендігіне тоқталды.
Абай өңірлік гарнизонының баспасөз қызметі
Тағыда оқыңыз
Абай гарнизонында ашық есік күні өттіСемейде «Бабалар ізімен» атты мамыр айындағы мерекелерге арналған айлық басталдыМемлекет басшысы Қасым-Жомарт Тоқаевтың VIII сайланған Парламенттің бірінші сессиясының ашылуында сөйлеген сөзіШәкәрім шаңырағы – Абай елінің рухани қара шаңырағы!Десантшылар жоғары сынып оқушылармен қызметтің қыр-сырын бөлісті