Қала әкімі Әділет Нұрсағатұлы азаматтарды қабылдау орталығында тұрғындарды жеке мәселелері бойынша қабылдады. Қабылдауға 19 тұрғын келіп, бөлім басшылары және коммуналдық қызмет өкілдері қатысты.

Жеке қабылдау барысында тұрғындар баспана, абаттандыру, жол жөндеу және жарықтандыруға қатысты мәселелерді көтерді.

Қала басшысы қабылдауда азаматтардың өтініш-тілектерін тыңдап, түйткілді мәселелерді шешу жолдарын заңды тұрғыда түсіндірді. Тиісті бөлім басшыларына нақты тапсырмалар берді.