Абай облысы әкімінің орынбасары Шалқар Байбеков өңірдің әлеуметтік-экономикалық дамуы жөніндегі кеңейтілген кеңесте сөйлеген сөзінде Денсаулық сақтау саласы кезең-кезеңімен жақсарып келе жатқанын және сапалы медициналық көмек көрсету бірінші орынға қойылатынын атап өтті. 

Сапалы медициналық көмек көрсету көрсеткіштерін жақсарту мақсатында облыстың денсаулық сақтау ұйымдарына мониторинг жүргізілді, бірқатар жұмыстар жүргізілді: 

- аудандық ауруханалар мен дәрігерлік амбулаторияларда күрделі жөндеу жүргізілді; 

- облыстық перинаталдық орталықта балаларды динамикалық бақылау және оңалту үшін катамнез орталығы ашылды; 

- балалар МРТ аппараты сатып алынды (магнитті-резонанстық томография); 

- «Облыстық жұқпалы аурулар ауруханасы» жаңа ғимаратқа көшірілді; 

- облыстық перинаталдық орталықта жаңа туған нәрестелердің ретинопатиясын емдеуге арналған жабдық сатып алынды.