Бүгін Жарма ауданының Жаңғызтөбе кентіндегі орталық саябақта Теміржолшылар күніне арналған салтанатты мерекелік іс-шара өтті.

Мерекелік шараға аудандық мәслихат төрағасы Мейірхан Оспанбаев, теміржол саласының ардагерлері мен қызметкерлері, жастар және кент тұрғындары қатысты.

Іс-шара барысында теміржол саласының дамуына сүбелі үлес қосқан бірқатар қызметкерлер марапатталып, оларға төсбелгілер мен Алғыс хаттар табысталды.

Мерекелік кеш аудандық мәдениет сарайы өнерпаздарының концерттік бағдарламасымен жалғасып, ән мен күйден шашу шашылып, жиналған қауымға көтеріңкі көңіл күй сыйлады.