Отырысқа Абай облысы әкімінің бірінші орынбасары Айдын Кәрімов, мәслихат депутаттары мен салалық басқарма басшылары және БАҚ өкілдері қатысты.

Күн тәртібінде бірқатар мәселелер қаралды: 

1. Облыс әкімінің өзіне жүктелген функциялар мен міндеттердің орындалуы туралы есебі; 

2. Абай облысы бойынша Тексеру комиссиясының есебі жергілікті атқарушы органның «2022 жылғы облыстық бюджеттің атқарылуы туралы» есебін (облыстың жергілікті атқарушы органының есебіне қорытынды) бекіту туралы; 

3. Абай облысы прокурорының Абай облысы мәслихатының 2022 жылғы 18 қарашадағы №10/55-VII «Абай облысында жануарларды асырау қағидаларын бекіту туралы» шешіміне 2023 жылғы 26 сәуірдегі № 2-50-23-02402 наразылықты қарау туралы;

4. «Абай облысының құрметті азаматы» атағына және «Абай облыстың Құрмет  грамотасына» ұсынылатын тұлғалардың құжаттарын қарастыру жөніндегі комиссияның дербес құрамын бекіту туралы;

Аталған күн тәртібі бойынша тиісті шешімдер қабылданды.