Қазақстан Республикасы Президенті жанындағы әйелдер істері және отбасылық-демографиялық саясат жөніндегі Ұлттық комиссиямен бірге «Саламатты Қазақстан» медициналық пойызы өңірлерге шыққан болатын.

Пойыз 5 маусым күні Абай облысының Жарма ауданына қарасты Шар станциясына келді. Дәрігерлер бригадасы аудан тұрғындарына қабылдау жүргізді. Дәрігерлердің қатары білікті терапевт, хирург, стоматолог, уролог, гинеколог, лор дәрігері, кардиолог сияқты мамандардан жасақталған. Сонымен қатар жармалықтар мұнда заңгерлік - консультациялық және медиаторлық көмек ала алады.

Аталған медициналық пойызды қала тұрғындары ыстық ықыласпен қарсы алды. Сонымен қатар, қазақ эстрада жұлдыздарының қатысуымен концерт ұйымдастырылды.

Әлеуметтік  жобаның мақсаты - Қазақстанның ең шалғай бұрыштарындағы халықтың әртүрлі топтарына жан-жақты медициналық және өзге де көмек көрсету.