Әскери полиция бас басқармасы Қорғаныс министрінің 2017 жылғы 12 шілдедегі № 351 "Қазақстан Республикасы Қарулы Күштерінің әскери бөлімдері мен әскери полиция органдары қолбасшылығының қару мен оқ-дәрілерді ұрлау, жоғалту не әскери қызметшілерге қарумен әскери бөлімнің орналасқан жерін өз бетінше қалдыру туралы ақпаратқа ден қою қағидаларын бекіту туралы" бұйрығына өзгерістер мен толықтырулар дайындады.

Қағидалар қабылданған "Әскери полиция органдары туралы" ҚР Заңы шеңберінде әзірленді. Олар Қарулы Күштердің әскери бөлімдері мен әскери полиция органдары қолбасшылығының осындай ақпарат алу кезіндегі тәртібі, шаралары мен іс-әрекеттерін егжей-тегжейлі баяндайды.

Бұйрық жобасының толық мәтінімен "Электрондық үкімет" порталында "Ашық НҚА" бөлімінде ағымдағы жылдың 11 шілдесіне дейін мына сілтеме бойынша танысуға болады: https://legalacts.egov.kz/npa/view?id=14617642