Курчатов қаласының әлеуметтік-экономикалық дамуы тұрақты, кейбір көрсеткіштер бойынша өсу тенденциясы байқалады. 

Өнеркәсіп өндірісінің өнімдер көлемі  1,9 млрд тенгені құрап, өсу қарқаны 142 % жетті. Осы көрсеткіштердің орындалуын қамтамасыз ететін негізгі кәсіпорындар – «УМЗ» Акционерлік қоғамының тау-кен өндірісі комбинаты, «Азот» Өндірістік Кооперативі, «Мерусар и К» және «КИП «Луч» жауапкершілігі шектеулі серіктестіктер болып табылады. Ауыл шаруашылығының жалпы көлемі 157,9 млн. тенгені немесе 120,7 % құрады. 593 субъект шағын және орта кәсіпкерлік саласында  тіркелген, ол  33 %-ға өсімді көрсетеді. Бөлшек сауда айналымы 21,4% өсімді көрсетіп, 3,7 млрд тенгені құрады. Негізгі қорларға инвестициялар көлемі  2,5 млрд тенге бағытталып, өткен жылдың жарты жылдық кезең көрсеткіштерінен 2,7 есеге артты.

2023 жылы қала бюджетінің өз кірістері бойынша жоспар 1,8 млрд теңге болса, сонымен қатар биылғы жылға облыстық бюджеттен 1 млрд теңге көлемінде нысаналы трансферттер қарастырылған.