Әскери полиция бас басқармасы қорғаныс ведомствосы басшысының «Қазақстан Республикасы Қарулы Күштері әскери полиция органдарының айырым белгілерін бекіту туралы» Қазақстан Республикасы Қорғаныс министрінің 2014 жылғы 26 ақпандағы № 77 бұйрығына өзгерістер енгізу туралы» бұйрығының жобасын дайындады.

Нормативтік құқықтық акт оны 2023 жылғы 14 наурыздағы «Әскери полиция органдары туралы» Заңға сәйкес келтіру мақсатында әзірленді.

Құжат ҚР Қарулы Күштері Әскери полиция органдарының айырым белгілерін тағу тәртібін айқындайды, оларға шеврон, дербестендірілген және әскери полиция органдары әскери қызметшілерінің төсбелгілері жатады.

Бұйрық жобасының толық мәтінімен «Электрондық үкімет» порталында «Ашық НҚА» бөлімінде ағымдағы жылдың 28 тамызына дейін мына сілтеме бойынша танысуға болады: https://legalacts.egov.kz/npa/view?id=14667588