Ауданда 2023 жылы «Ауыл – ел бесігі» жобасы аясында 8 жоба жүзеге асырылып жатыр.

Қазіргі таңда елді мекенішілік жолдарды орташа жөндеу және көшелерді жарықтандыру жұмыстары жүргізіліп отыр. Атап айтқанда, Көкпекті, Үлкенбөкен, Преображенка ауылдарының көшелеріне орташа жөндеу жұмыстары жүргізіледі.

Ауданда көшелерді жарықтандыру мәселесіне ерекше көңіл бөлінеді. Бүгінгі күні Үлкенбөкен ауылында 110 көшеге жарықтандыру бағаналары орнатылды, 4 көшеге электр сымдары тартылды. Преображенка ауылындағы 47 көшеге жарықтандыру бағаналары орнатылды. Бұл жұмыстарды ағымдағы жылдың 15 тамызына дейін аяқтау жоспарланған.

Сондай-ақ, Преображенка ауылындағы Тәуелсіздік, Предгорная, Гагарина, Заречная көшелерінің бойына жарықтандыру жұмыстары жүргізіледі. Көкпекті ауылында 19 көше бойына 269 баған орнату жұмыстары сәтті аяқталды.

Барлық жобалар ауылдың инфрақұрылымын көтеріп, тұрғындардың қолайлы өмір сүруіне мүмкіндік жасайды.