Форумның пленарлық отырысына Ақпарат және қоғамдық даму министрлігінің өкілдері, қала және аудан әкімдіктерінің қызметкерлері, еріктілер мен қоғам белсенділері өзекті мәселелерді шешудегі азаматтық қоғамның рөлін талқылады. Сондай-ақ, бүгін өңірдегі үздік Үкіметтік емес ұйымдар марапатталды.

Азаматтық қоғамның маңыздылығын Абай облысы әкімінің орынбасары Шалқар Байбеков өзінің құттықтау сөзінде атап өтті. 

Ақпарат және қоғамдық даму министрлігінің азаматтық қоғам істері комитетінің төрағасы Мадияр Қожахмет азаматтық қоғам мен  қоғамдық-саяси саладағы азаматтық институтты дамыту бойынша жүргізіліп жатқан жұмыстарға тоқталды.

Волонтерлік қозғалыс жетекшісі Павел Евгения жоғалған адамдарды іздеудегі тұрақты жұмысы туралы айтса, аутизм спектрінің аурулары бар ерекше балалармен жұмыс істеу тәжірибесімен «Ерекше әлем» қоғамдық қорының басшысы Арайлым Әлімжанова бөлісті.

Жиын соңында облыстағы Үкіметтік емес ұйымдар «Құқық қорғау саласындағы үздік үкіметтік емес ұйым», «Волонтерлік қызмет саласындағы үздік үкіметтік емес ұйым», «Зерттеу қызметі саласындағы үздік үкіметтік емес ұйым» және тағы да басқа номинациялармен және облыс әкімінің арнайы сыйлықтарымен марапатталды.

Сондай-ақ, азаматтық қоғамның дамуына қосқан үлесі үшін Қазақстан Республикасы Ақпарат және қоғамдық даму министрінің алғыс хатымен «Жанұя орталығы» қоғамдық қорының атқарушы директоры Людмила Асташкина, үкіметтік емес ұйымдар қауымдастығының вице-президенті Николай Исаев және басқа да көрнекті қоғам қайраткерлері марапатталды.

Форум азаматтық қоғамды дамытудың және мемлекеттің, әлеуметтік кәсіпкерлер мен БАҚ-тың өзара іс-қимылының өзекті тақырыптарына арналған диалог алаңдары аясында жалғасты.