Аягөз ауданына қарасты Қарағаш ауылдық округінде «Ауыл – ел бесігі» жобасы аясында ұзындығы 1,9 шақырымды құрайтын ішкі жолдарды орташа жөндеу жұмыстары жүргізіліп жатыр.

Құрылыс үшін «Зайсан Дорстрой» ЖШС-мен келісімшарт жасалды. Қазіргі таңда жұмыстың 90 % аяқталды. Мердігердің айтуынша, жөндеу жұмыстарын қыркүйек айының соңында аяқтау жоспарланған.

Сондай-ақ, биыл Қарағаш елді мекенінің кіреберіс жолының орташа жөндеу жұмыстары аяқталады.

Анықтама үшін: Қарағаш ауылдық округі аудан орталығынан 35 шақырым жерде орналасқан. Елді мекендегі тұрғындар саны 786 адам. Аягөз ауданындағы жергілікті маңызы бар жолдардың жалпы ұзындығы 410,8 шақырымды құрайды. Оның ішінде Аягөз қаласындағы жолдардың ұзындығы 108 шақырым.