Қырғыз елінің әскери делегациясы Қарулы күштердің Ұлттық әскери-патриоттық орталығының қызметімен танысты
Қырғызстан Республикасының әскери делегациясы елімізге ресми сапары аясында ҚР Қарулы күштері Ұлттық әскери-патриоттық орталығында болды.
Қырғызстан Республикасы Қарулы күштері Бас штабы Ұйымдастыру-жұмылдыру бас басқармасы шақыру бөлімінің аға офицері подполковник Бекжан Нұров және Қырғызстан Республикасы Қарулы күштері Бас штабы Жауынгерлік даярлық бас басқармасының бас маманы қызметші Қанатбек Болокбаев Ұлттық әскери-патриоттық орталығының бастығы Арман Асеновпен және "Жас сарбаз" республикалық балалар-жасөспірімдер әскери-патриоттық қозғалысының төрағасы Мейірбек Меңдіғалиевпен кездесті.
Әріптестер жас ұрпақты әскери-патриоттық тәрбиелеудің өзекті мәселелерін, сондай-ақ ынтымақтастық саласын талқылады. Қонақтар үшін ҚК Әскери-тарихи мұражайына, сондай-ақ "Жас сарбаз Хаб" коворкинг-орталығына экскурсия ұйымдастырылды.
Қонақтарға Жұмабек Тәшенов атындағы № 10 елордалық мектептің «Жас сарбаз» әскери-патриоттық клубтары мен сыныптарындағы оқу процесі көрсетілді. Меймандар елорданың мәдени-тарихи нысандарын аралады.