Абай облысы республика күнін атап өтуге дайындалуда

23-10-2023, 13:55 018.kz

Өңірлік коммуникациялар қызметінің алаңында БАҚ өкілдеріне брифинг өтіп, өңірде мерекені ұйымдастыру және қалай өтетіні туралы жан-жақты айтылды.

«Өткен жылдан бастап Мемлекет басшысы Қасым-Жомарт Тоқаевтың ұсынысы бойынша біз Республика күнін еліміздің тарихы мен болашағын бейнелейтін ұлттық мереке ретінде атап өтуді бастадық. Ол еліміздің басты мерекелерінің біріне айналды», - деді қоғамдық даму басқармасының басшысы Айдар Садырбаев.

Мемлекеттік мерекеге дайындық жұмыстар тыңғылықты жүргізілуде. Облыста 500-ден астам мерекелік іс-шара өткізу жоспарлануда. Айдар Садырбаевтың айтуынша, іс-шаралардың барлық спектрі өңір тұрғындарының береке-бірлігі мен қоғамдық келісімді нығайтуға ықпал етуге бағытталған.

«Облыстық мерекелік бағдарлама аясында 100-ден астам қызықты іс-шара күтіп тұр, бұл бізді күтетін бағдарламалардың бір бөлігі ғана. Осы айтулы күні бүкіл облыста 500-ден астам шара өткізіледі деп күтілуде», - деп атап өтті қоғамдық даму басқармасының басшысы.

Мереке күндері облыста салтанатты жиындар, концерттер, мәдени-спорттық және бұқаралық іс-шаралар жоспарланған. Орталық алаңдарда, саябақтар мен скверлерде жаппай халықтық мерекелер, жәрмеңкелер мен көрмелер ұйымдастырылады.

«Біз сондай-ақ жаңа тұрғын үйлер мен пәтерлердің кілттерін табыстау рәсімін, сондай-ақ Аягөз қаласында көптен күткен «Алтын сақа» балабақшасының ашылуы болады. Сонымен қатар, бұл күні семейліктерге жаңа қоғамдық кеңістік ұсынылады», - деп қорытындылады Айдар Садырбаев.

24 қазанда күні Абай театрында Әміре Қашаубаев атындағы Мемлекеттік филармонияның, «Тұмар» би ансамблінің, эстрадалық-симфониялық оркестрдің және басқа да ұжымдардың қатысуымен мерекелік концерт және салтанатты жиналыс өтеді.

Абай облысының мәдениет, тілдерді дамыту және архив ісі басқарма басшысының міндетін атқарушы Ернар Бексұлтанов өңірдегі бірқатар жоспарланған мәдени іс-шараларды атап өтті.

«Республика күніне орай 60-қа жуық тақырыптық көрмелер, әдеби кештер, өңірлік мұражайлардағы Ашық есік күндері, сондай-ақ облыс бойынша клубтар мен мәдениет үйлерінде мерекелік концерттер жоспарланған», - деді Ернар Бексұлтанов.

Абай облысының өңірлік коммуникациялар қызметі

Тағыда оқыңыз

Мемлекет басшысы Қасым-Жомарт Тоқаевтың «Әділетті Қазақстанның экономикалық бағдары» атты Қазақстан халқына Жолдауы Мемлекет басшысы Қасым-Жомарт Тоқаевтың VIII сайланған Парламенттің бірінші сессиясының ашылуында сөйлеген сөзі Үкіметте Қазақстан өңірлерінің су тасқынына дайындығы қаралды Қазақстандық ЖЭО-лардың қоймаларында 4 млн тонна көмір және 85 мың тонна мазут жиналған Шәкәрім шаңырағы – Абай елінің рухани қара шаңырағы!

Бізге ақпарат жолдаңыз Телеграмдағы каналымыз

Абай облысы республика күнін атап өтуге дайындалуда

Пікірлер (0)