«Баршаңызға қайырлы күн. Құрметті қала тұрғындары, құрметті қала жастары,сіздерді 25 қазан Республика күнімен шын жүректен құттықтаймын. Барлығымызға белгілі - 2022 жылы мемлекет басшысының жарлығымен 25 қазан – Республика күні ұлттық мереке деп белгіленген болатын. Бұл мерекенің қаншалықты маңыздылығы екені осы ұлттық деген сөздің өзінде тұр деп ойлаймын. Себебі біздің мемелкетімізде қанша мереке болса, соның ішінде жалғыз ұлттық деген статусы бар осы республика күні екен. Бұл мереке 1990 жылы 25 қазанда Қазақ КСР- нің жоғарғы кеңесінде Қазақ КСР-нің егемендігі туралы декларация қабылдаған күннен бастап тойланып келеді. Яғни, бұл 25 қазан егемен Қазақстан мемлекетінің іргетасы қаланған күн деп барлығымызға белгілі. Бұл күн кешегі тірі болсам қазаққа қызмет етпей қоймаймын деген Әлихандар армандаған күн. Бұл күн кешегі 86 жылы алаңға шығып, мұз үстіне от жаққан жастардың аңсаған күні. Ал осы бақытты күнді көріп отырған біз бақытты ұрпақпыз. Біздің бүгінгі міндетіміз - Мағжан сенген жастар болып, сапалы білім алып, саналы ұрпақ болып, ұлт мүддесі үшін қызмет ету. Барлықтарыңызды осы бір ұлттық мерекемен шын жүректен құттықтаймын. Егемендігіміз ғұмырлы, тәуелсіздігіміз тұғырлы болсын. Көк байрағымыз көк аспанда мәңгі желбірей берсін», - деді ол.