Онлайн форматында ҚР СІМ Ерекше тапсырмалар жөніндегі Елші Талғат Қалиевтың төрағалығымен Азиядағы өзара іс-қимыл және сенім шаралары кеңесінің (АӨСШК) Арнайы жұмыс тобының (АЖТ) отырысы өтті.

Отырыс барысында қатысушылар 2024 жылға арналған сенім шараларды іске асыру бойынша жылсайынғы жоспар жобасын, АӨСШК бюджетін, сондай-ақ «Табиғи апаттарға қарсы күрес» және «Қоршаған ортаны қорғау» басым салаларындағы тұжырымдамаларын қарастырды.

Кездесудің қорытындысы бойынша АЖТ қатысушылары АӨСШК Аға лауазымды тұлғалар комитетіне (АЛТК) ү.ж. 12 желтоқсанда өтетін кезекті АЛТК отырысында аталған мәселелер бойынша шешім қабылдауға ұсыныс жасады.