Семейде баласынының аты-жөнін дәстүрге сай жаздырған ата-аналарға сыйлық табысталды

13-12-2023, 12:46 Сабина Әлібек

Семей қаласынын әкімдігі ҚР Тәуелсіздігі күніне орай, «Есімің мен тегің - сенің ұлттық келбетің» атты акция ұйымдастырды.

Акция аясында, аты-жөні қазақы дәстүрмен жазылған сәбилердің аттары аталып, ата-аналарына сыйлық табысталды.

Акцияның мақсаты Қазақстан Республикасы Президентінің «Ұлты қазақ азаматтарының тегі мен әкесінің атын жазуға байланысты мәселелерді шешу тәртібі туралы» жарлығына сәйкес, Қазақстан Республикасы азаматтарының тегі мен әкесінің атын қазақша жазу тәжірибесін қазақ халкының қалыптасқан тарихи дәстүрлеріне арналдыру.

«Бүгінгі күні тенденция өте үлкен, ұлты қазақ азаматтары ешқандай -ов, -ев жалғаусыз бірден мемлекеттік, ұлттық дәстүрге сәйкес аты-жөнін беріп жатады. 2023 жылғы дүниеге келген 5504 сәбидің өзі осы мемлекеттік тілде, дәстүрге сай атау берген екен. Соның ішінде 50-ге жуық сәбиді бүгін, міне осы мерекенің алдында құттықтау мақсатында жинап отырмыз», - деді Семей қаласы мәдениет және тілдерді дамыту бөлімінің басшысы Маржан Бахатова.

Акция жыл сайын еліміздің барлық облыстары мен қалаларында тұрақты түрде өтіп келеді. Биыл Семей қаласында бұл шара еліміздің тәуелсіздік күні аясында өтті. 2022 жылы акция аясында 16 жасқа толған азаматтар марапатталса, бүгін жас сәбилерге көңіл бөлінді.

Тағыда оқыңыз

Сайлау қорытындысы: Бесқарағай аудандық мәслихатына кімдер өтті?Сайлау қорытындысы: Абай аудандық мәслихатына кімдер өтті?Сайлау қорытындысы: Ақсуат аудандық мәслихатына кімдер өтті?Сайлау қорытындысы: Жарма аудандық мәслихатына кімдер өтті?Мемлекет басшысы Қасым-Жомарт Тоқаевтың «Әділетті Қазақстанның экономикалық бағдары» атты Қазақстан халқына Жолдауы

Бізге ақпарат жолдаңыз Телеграмдағы каналымыз

Семейде баласынының аты-жөнін дәстүрге сай жаздырған ата-аналарға сыйлық табысталды

Пікірлер (0)