Қорғаныс министрлігі қорғаныс ведомствосы басшысының "Әскери басқару органдарына, құрамаларға, бөлімдерге, әскери оқу орындарына тиесілігін білдіретін арнайы киім нысанының, айырым белгілерінің және оған тігілетін айырым белгілерінің, салтанатты, күнделікті, далалық және арнайы киім нысанына арналған жеңдік айырым белгілерінің, сыныптық мамандарға арналған белгілердің стилі мен түсін бекіту туралы" бұйрығының жобасын дайындады.

Нормативтік құқықтық акт 2023 жылғы 12 желтоқсанда "Қазақстан Республикасы Қарулы Күштері, басқа да әскерлері мен әскери құралымдары әскери қызметшілерінің әскери киім нысаны мен айырым белгілері туралы" ҚР Президентінің 2011 жылғы 25 тамыздағы Жарлығына енгізілген өзгерістерді іске асыру мақсатында әзірленді.

Бұйрық жобасының толық мәтінімен "Электрондық үкімет" порталында "Ашық НҚА" бөлімінде ағымдағы жылдың 16 қаңтарына дейін мына сілтеме бойынша танысуға болады: https://legalacts.egov.kz/npa/view?id=14882291