Мәжіліс депутаты, Respublica партиясы фракциясының мүшесі Руслан Берденов Абай облысындағы Шәкәрім атындағы университетте студенттермен кездесті.

Жиын барысында Шәкәрім университетінің ректоры Думан Орынбеков ойынға құмарлықтың жастар арасында белең алып бара жатқанын атап өтті.

Руслан Берденов студенттерге ойынға тәуелділіктің жағымсыз салдары туралы, сондай-ақ Парламенттегі партия фракцияның жүргізіп жатқан жұмыстары жөнінде айтты.

Руслан Берденов ойынға тәуелділікті азайту және ойын бизнесін шектеу бағытындағы депутаттардың заңнамалық қызметі туралы айтып, оқушылардың сұрақтарына жауап берді.

Сонымен қатар мәжілісмен Абай облысына сапары аясында «Теплокоммунэнерго» ЖШС жұмысшыларымен, «ҚТЖ» облыстық филиалы – «Жүк тасымалы» АҚ ұжымымен кездесті. «Ақшын» сауда үйінде болып, тұрғындар мен кәсіпкерлердің түйткілді мәселелерін тыңдады. Сайлаушылар айтқан мәселелер Мәжілістегі Respublica партиясы фракциясының жұмысында қаралатын болады.