Облыс әкімі Нұрлан Ұранхаевтың төрағалығымен төтенше жағдайлардың алдын алу және жою жөніндегі облыстық комиссия отырысы өтті.

Жиынға қала, аудан әкімдері, басқарма басшылары, төтенше жағдайлар департаменті, «Қазгидромет» филиалы, су ресурстарын пайдалану мен қорғауды реттеу инспекциясы және «Қазсушар» РМК өкілдері қатысты. Отырыс барысында 2024 жылғы су тасқыны кезеңіне дайындық барысы қаралды.

Бүгінгі таңда Абай облысында әртүрлі меншік нысанындағы 95 гидротехникалық құрылым бар, оның 66-сы республикалық меншікте, «Қазводхоз» РМК филиалының балансында – 64, қала және аудан әкімдіктерінің коммуналдық меншігінде – 19, жеке меншік – 10.

Сондай-ақ авто-газ құю, газ толтыру және автожанармай құю станцияларында өнеркәсіптік және өрт қауіпсіздігі талаптарын сақтау шараларын сақтау мәселесі қаралды.

Жиын қорытындысы бойынша халықтың қауіпсіздігін қамтамасыз етуге бағытталған хаттама дайындалады.

Абай облысы әкімінің баспасөз қызметі