Мемлекет басшысы Қасым-Жомарт Тоқаев Үкіметтің кеңейтілген отырысында ел экономикасын дамытудың алғышарттары мен  өзекті деп танылған мәселелерге қатысты 10 нақты бағытты айқындап берді. Осыған орай, бүгін агроөнеркәсіп саласына қатысты ел Президенті атап өткен тапсырмаларды талқылауға бағытталған диалог алаңы өтті.

Шараға Семей қаласының ішкі саясат бөлімінің басшысы  Нұржан Есенжолов, «Аграрлық несие корпорациясы» АҚ Абай облысы бойынша филиалының директоры Асет Садвакасов қатысты.

Президент Үкімет отырысында атап өткен 10 бағыттың ішінде экономиканың басты механизміне айналған ауыл шаруашылығы саласы да назардан тыс қалмады. Мемлекет басшысы саланың түйткілді мәселелері - қажетті қаржының жеткілікті бөлінбеуі, инвестицияның тапшылығы екендігін атап өтті.

Кездесу барысында аграрлық несие корпорациясының ұжымы Мемлекет  басшысының барлық тапсырмаларын қолдайтындарын жеткізді.