Абай облысының өңірлік коммуникациялар қызметінде БАҚ өкілдеріне ұйымдастырылған баспасөз-мәслихатында тамақтану орындарындағы санитарлық қауіпсіздік және алдын алу жұмыстары туралы сала мамандары баяндап, сауалдарға жауап берді.

Облыс орталығында барлығы 860 қоғамдық тамақтану нысаны, олардың ішінде 50-ден аса орынды қамтитын 130 мекеме бар. Өткен жылы Семей қалалық санитариялық-эпидемиологиялық бақылау басқармасына жеке және заңды тұлғалардан 68-ден астам өтініш пен шағым келіп түсті. Осы мәселеге байланысты санитарлық ережелерді бұзу бойынша бірқатар жоспардан тыс тексерулер жүргізілді.

Семей қаласындағы нан өнімдерін сататын дүңгіршектің біріне жоспардан тыс тексеру жүрігізіліп, санитарлық талаптар сақталмағандықтан әкімшілік айыппұл салынған.  

2023 жылы Абай облысында тамақтанудан жаппай улану деректері тіркелмеген. Қазіргі кезде еліміз бойынша көшеде нан өнімдерін сататын дүңгіршектерде санитарлық рұқсат құжаттарының және қызметкерлердің медициналық кітапшасының болмауы сияқты заң бұзушылықтар жиі кездеседі дейді сала мамандары.