Ардақты ағайын, құрметті жерлестер!

Баршаңызды жаңару мен жасампаздықтың бастауы, ырыс пен берекенің арқауы болған Ұлыстың ұлы күні - Наурыз мейрамымен шын жүректен құттықтаймын! 

Биыл Мемлекет басшысының бастамасымен Наурыз мейрамы жаңа тұжырымдама аясында ұйымдастырылуда. Семей қаласында «Наурызнама» онкүндігін тойлау дәстүр мен әдет-ғұрыптарымызды ұштастырып жоғары дәрежеде кеңінен атап өтілуде.

Әз Наурыз - табиғатты түлетіп, тұрмысты түзететін, тіршілікке нәр беріп, ынтымақ пен береке  әкелетін жақсылықтың жаршысы іспеттес. Көктің тынысын тыңдап, жердің тамырын басқан, күн мен түнді теңестіріп, тұрмыс - тіршілігін Табиғат - Анамен тығыз байланыстырған Наурыз - жаңару мен жасарудың, жаңғырудың айы. Семей жұртшылығы қашанда жыл басын ізгі ниетпен, үкілі үмітпен, ақ жарма тілекпен қарсы алады.

Ұлыс күні – іргесі сөгілмес бірліктің берекесі, ырысы сарқылмас тірліктің мерекесі. Жақсылықтың жаршысы, жаңа жылдың бастауы – Наурыз баршаңыздың шаңырағыңызға ырыс пен несібе әкелсін!

Құрметпен, Семей қаласының әкімі Нұрбол Нұрсағатов