2024 жылға егістік алқаптарының алдын ала құрылымы шаруашылықтармен айқындалды, жалпы егістік алқабы 18 600 га құрайды.

Дала жұмыстарына 51 шаруашылық   субъектілері қатысады, сонымен қатар жеке аулалардағы, саяжай алқаптарындағы жерлерге де ауыл шаруашылығы дақылдары егіледі.

Аталған алқапта 1 567 га дәнді, 3 464,8 га жерге картоп, 1 525,3 га көкөніс және бақша, 5 477 га алқапқа майлы дақылдар егіледі. Азықтық дақылдардың көлемі 6 565,9 гектар.

Шаруашылық жүргізуші субъектілері сапалы тұқыммен толық көлемде қамтылады және субсидияланатын  1 005 тонна   минералдық  тыңайтқыштарға өтінім берді.

Көктемгі дала жұмыстарына 1 литріне 248 теңгеден 251 тонна дизель отыны бөлінген, «Sati Oil» ЖШС оператор болып айқындалды.

Ауыл шаруашылығы құрылымдарының техникасы жеткілікті, дайындық жұмыстары жүргізілуде.

Ғылыми мекемелердің ұсынған қорытындылары бойынша, ағымдағы жылы ауыл шаруашылығы дақылдарын егудің оңтайлы мерзімі 20 сәуір - 15 маусым аралығы.

Семей қаласы ауыл шаруашылығы бөлімі