Қорғаныс ведомствосында «Қазақстан Республикасы Қорғаныс министрлігінің әскери-техникалық мектебі» республикалық мемлекеттік қазыналық кәсіпорны өндіретін және өткізетін тауарларға (жұмысқа, көрсетілетін қызметтерге) бағалар бекіту туралы» бұйрықтың жобасы әзірленді.  

Құжатты «Мемлекеттік мүлік туралы» Заңның 15-бабы 13) тармақшасына сәйкес ҚР Қарулы күштері Бас штабы Ұйымдастыру-жұмылдыру жұмыстар департаменті дайындады. Жобаны іске асыру азаматтарды әскери-оқытылған резервті даярлау бағдарламалары бойынша өтеулі негізде ӘТМ филиалдарында әскери-техникалық және басқа да әскери мамандықтар бойынша оқыту құнын бекітуге мүмкіндік береді.

Бұйрық жобасының толық мәтінімен «Электрондық үкімет» порталында «Ашық НҚА» бөлімінде биылғы жылдың 23 тамызына дейін мына сілтеме бойынша танысуға болады: https://legalacts.egov.kz/npa/view?id=15164695