Аудан орталығы Көкпекті ауылында Мәдениет, тілдерді дамыту, дене шынықтыру және спорт бөлімінің ұйымдастыруымен Аудан әкімі жүлдесіне арналған аудандық халықтық  спорт ойындары өткен болатын. Халықтық ойындарға  ауданымыздың барлық 9 ауылдық округінің қатысуымен  21-27 қыркүйек күндері аралығында 16 спорт түрі бойынша сайысқа 1 мыңнан аса спортшы қатысты.

Бүгін Көкпекті ауылының Ұлы Дала Елі алаңында Аудан әкімі жүлдесіне арналған аудандық халықтық  спорт ойындарының қорытындысын шығаруға арналған мерекелік шара өтті. Мерекелік шара барысында Мәдениет, тілдерді дамыту, дене шынықтыру және спорт бөлімінің басшысы Әлібек Түсіпбекұлы барша аудан спортшыларына белсенділік танытып, спорттық сайыстарға белсенді қатысқаны үшін алғысын білдіріп, спорттық сайыстарды ұйымдастыруда қолдау білдірген спортшыларға және төрешілерге алғыс хат пен бағалы сыйлықтар табыстады.

Одан бөлек, Әлібек Түсіпбекұлы 21-27 қыркүйек күндері аралығында 16 спорт түрі бойынша сайысқа түскен ауылдық округ командаларының командалық есебін шығарып, командаларды марапаттады . Спорттың 16 түрі бойынша өткен сайыста:

 1 орынды - Көкжайық ауылдық округі

 2 орынды - Шұғылбай ауылдық округі

 3 орынды - Көкпекті ауылдық округі иеленді.

Шара аудандық мәдениет үйі өнерпаздарының мерекелік концертімен және мерекелік отшашумен жалғасты.