Бүгін қала әкімі Нұрбол Нұрсағатовтың төрағалығымен әкімдіктің кеңейтілген жиыны өтті. Жиынға барлық бөлім басшылары қатысты. Күн тәртібінде әр бөлімнің ағымдағы мәселелері қаралды.

Сонымен қатар, қала әкімі бас инспекторлардың қаланың шеткері аумақтарында атқарылған жұмыстар туралы есептерін тыңдады. Сондай-ақ, жиында тұрғын үй-коммуналдық шаруашылығы саласы бойынша жобаларды жүзеге асыру мәселелері, атап айтқанда Бобровка, Водный, Восход аудандарында су құбырының құрылысы, жолдарды жөндеу және қаланың шет аймақтарын абаттандыру жөнінде талқыланды.

Жиын қорытындысы бойынша Нұрбол Нұрсағатов шеткі аудандарды абаттандыру және инфрақұрылымды жақсарту жұмыстарын жалғастыруды тапсырды.