«Екі жұлдыз» байқауы ерекше жұлдыздарға үміт сыйлады
Абай облысында «Екі жұлдыз» сайысы ұйымдастырылды. Байқауға облыстың 5 ауданынан ерекше қамқорлықты қажет ететін балалар мен жасөспірімдер қатысты. Фестивалдің 10 жылдық мерекелік бағдарламасы Семей қаласы әкімдігінің ұйымдастырумен өтті. Фестиваль алғаш рет 2014 жылы ұйымдастырылып, қалалық және аймақтық деңгейде өткізілді. Осы жылдар ішінде Орталық мерекелік іс-шараны демеушілік көмекті тарта отырып ұйымдастырды
Байқаудың мақсаты – жас дарындарды ынталандыру және өз қабілеттерін көрсетуге мүмкіндік жасау. Облыстық байқауға қатысуға барлығы 12 өтінім түсті.
Семей қаласының әкімі Нұрбол Нұрсағатов жас дарындарды қолдап, сәттілік тіледі. Сондай-ақ, жұмыспен қамту және әлеуметтік бағдарламалар бөлімі Серік Жумадилов мұндай шараларды өткізудің маңыздылығы мен өзектілігін атап өтті.
Фестивальдің барлық қатысушылары мен олардың тәлімгерлері дипломдармен және естелік бағалы сыйлықтармен марапатталады. Көрермендердің назарына қалалық мәдениет сарайының фойесінде қалалық және аудандық арнаулы әлеуметтік қызмет көрсету орталықтарының қызмет алушыларының шығармашылық жұмыстарының көрмесі ұсынылды.