Абай облысында Шәкәрім университетінің 90 жылдығына арналған салтанатты рәсім өтті. Университет еңбегін мен оның келешегін талқылау мақсатында өткен шараға академиялық және ғылыми қауымдастық өкілдері, құрметті қонақтар мен ресми тұлғалар қатысты. Шақырылған қонақтардың қатарында ғылым және жоғары білім вице-министрі Ахмед-Заки Дархан, облыс әкімінің орынбасары Жасұлан Сәрсебаев, университеттің экс-ректорлары және т.б. болды.

Университет студенттері мен қызметкерлері қазақ халқының ағарту үшін күресін бейнелейтін театрландырылған қойылым қойды. 

Облыс әкімінің орынбасары Жасұлан Сәрсебаев Шәкәрім университетітінің аймақтағы стратегиялық рөлін, кадр даярлау мен экономикалық дамуға қосқан үлесін атап өтті.

Университет ректоры Думан Орынбеков академиялық қоғамдастыққа және университеттің алдыңғы басшыларына оның дамуына қосқан үлесі үшін алғысын білдірді. Өз сөзінде ол халықаралық ынтымақтастық пен ғылыми жетістіктерге бағытталған болашаққа арналған өршіл жоспарларды атап өтті.

Іс-шараның мақсаты – Шәкәрім университетінің өңірлік және ұлттық білім беруді, ғылым мен мәдениетті дамытуға қосқан үлесін атап өту, сондай-ақ оның өңірдің ғылыми-білім беру дамуына әсер ететін елдің жетекші оқу орындарының бірі ретіндегі рөлін атап өту.